Улуу Кыайыы 80, Хомустаах бөһүөлэгэ төрүттэммитэ 85 сылынан оскуолабыт оҕолоругар олохтоох библиотека сэбиэдиссэйэ Мария Егорова көҕүлээһининэн «Төрөөбүт түөлбэбит - Хомустаах» диэн научнай-практическай кэмпириэнсийэ икки бөлөҕүнэн ыытылынна.

НПК-ҕа барыта тоҕус дакылааты иһиттибит, бөһүөлэкпит туһунан элбэх саҥаны биллибит, хаартыскаларын көрдүбүт. Хомустаах алаастарын туһунан үһүйээннэргэ олоҕуран мультимедийнай презентацияны сэҥээрдибит. Нуучча  суруйааччыта Николай Глазков биһиги ыраас, дьэҥкир уулаах күөлбүтүгэр сөтүөлээн ааспытын, ол туһунан «Озеро Хомустах» диэн кэрэ айылҕатын хоһуйан хоһоон суруйбутун иһиттибит. Биир дойдулаахпыт 24 кинигэ ааптара Уйбаан Бахсылыырап, «Быйаҥ» бааһынай хаһаайыстыбатын салайааччыта Иван Бурнашев, артыыс идэлээх Василий Бурнашев, сынньалаҥҥа тахсыар диэри Партизан Заболоцкай аатынан совхозка ыанньыксытынан үлэлээбит Мария Бурнашева, барыта 342 сыл педстажтаах учуутал идэлээх Бурнашевтар тустарынан билбэтэхпитин биллибит. 

                                                                                                                                                                        Кэрэспэдьиэн Яна Новгородова

Кэмпириэнсийэ дьүүллүүр сүбэтэ – Бечеканова А.С., Охлопкова М.С., Попова Р.П.

Дьүүллүүр сүбэ быһаарыытынан алын кылаас үөрэнээччилэрин икки ардыларыгар 1 миэстэҕэ Влад Атласов (3 кыл.), 2 миэстэҕэ Эрэл Федоров (3 кыл.), 3 миэстэҕэ Ганя Федоров (4 кыл.) ааттаннылар. Туоһу суругунан Валера Новгородов (1 кыл.) бэлиэтэннэ.

Орто сүһүөх үөрэнээччилэрин икки ардыларыгар: 1 миэстэҕэ Павел Лугинов (6 кыл.), 2 миэстэҕэ Юлиана Лепчикова (5 кыл.), 3 миэстэҕэ Артур Алексеев (7 кыл.) ааттаннылар. Туоһу суругунан Айсар Рожин (7 кыл.), Динара Бурнашева (6 кыл.) бэлиэтэннилэр.