2025 сылга киирэн баран олохтоох «Хомусчаан» оҕо уһуйааныгар икки төгүллээн аралдьытыы ыыттыбыт.

Тохсунньу ыйга «Эргэ Саҥа дьылынан» аралдьыйыыга кырачааннарга «Саамай бэргэн ытааччы», «Ким элбэх хаары хомуйар», «Аах, төһөнү хомуйдуҥ», «Майгынныыр, майгыннаабат», «Саамай улахан хаары бул» оонньуулары ыыппыппытыгар кырачааннар олус интэриэһиргээн оонньообуттара.

Олунньу ый 18 күнүгэр, уһуйаан иитиллээччилэригэр «Дьоруой уолаттарбыт оҕо саастара уонна хорсун быһыылара» кинигэни билиһиннэрбиппит. Ол кэннэ кырачааннар иитээччилэрэ Оксана Григорьевна көмөтүнэн «Герой» сулуһун оҥорон, кырааскалаабыттара. Түмүккэ хаартыскаҕа түһэн тарҕаспыппыт.