- Информация о материале
- Автор: Super User
- Категория: Стихи о Хомустах
- Просмотров: 119
Хомустаах туһунан бастакы хоһоону нуучча поэта Николай Иванович Глазков суруйбут.
Николай Глазков Уус Алдаҥҥа Виктор Федорович Алданскайы кытта кэлсэ сылдьан, 1972 сыл сайыныгар Хомустаах эбэҕэ сөтүөлээн, сөрүүкээн ааспыттар. Поэт Николай Глазков биһиги айылҕабытын сөбүлээн, сэҥээрэн «Хомустаах» эбэ туһунан “Озеро Хомустах” хоһоон суруйар. Бу хоһооно 1979 сыллаахха «Избранные стихи» хомуруунньугар 137 сирэйгэ бэчээттэммит.
Билсиҥ: нуучча поэта Николай Глазков биһиги “эбэбитин” хайдах хоһуйбутун.
Озеро Хомустах
Все путевые трудности
Выглядят пустяк
У голубой изумрудности
Озера Хомустах.
В береговые линии,
В эллипсы и круги,
Мудро природа вклинила
Милые островки.
Словно творенье художника,
Озеро Хомустах, -
Столько всего хорошего
В этих веселых местах!
Смотрят деревья высокие
В чистое зеркало вод.
С зеленокосой осокою
Стройный камыш живет.
Мы искупались дивно
В озере Хомустах
И отдохнули активно
У красоты в гостях.
Николай Глазков.
1972г.
Хомустаах
Бэс чагда тулалыы эргийбит
Дьэп-дьэҥкир, ып-ыраас уулардаах,
Хомустаах – бу үтүө дойдубун
Хоһооммор мин иэйэн ыллыыбын.
Хос ырыата
Хомустаах, Хомустаах, Хомустаах –
Кыһынын сайынын эргиччи
Кэрэҕин даҕаны Хомустаах.
Дьон түмсэр түһүлгэ дойдута,
Дьиэлэрбит сандаарар уоттара
Өрүүтүн мичээрдиир курдуктар,
Ыччаты угуйа тураллар .
Хос ырыата
Бу үлэ үөһүгэр киирэммит,
Сылайар диэн тугун билбэккэ
Көр-күлүү аргыстаах сылдьаммыт.
Көрсөбүт эдэр саас үтүөтүн.
Хос ырыата
Ханна да тиийдэрбин эйигин
Ахтылҕан ырыабар куруутун
Сүрэхпэр иҥэрэн ыллыаҕым,
Дууһабар долгуйан туойуоҕум.
Уйбаан Бахсылыырап.
1980с.
Хомустааҕым барахсан
Кыһыннары күөх турар
Хойуу чагда тыалардаах,
Ыраас, чэбдик салгыннаах
Хомустаах, Хомустаах барахсан.
Илин, арҕаа өттүнэн
Уһун айан суоллардаах,
Сырдык, ыраас уулардаах
Хомустаах, Хомустаах барахсан.
Үлэ-үөрэх дьулуурдаах
Үгүс үтүө дьоннордоох,
Үүнэр-сайдар кэскиллээх
Хомустаах, Хомустаах барахсан.
Ахтан санаан кэлэммин
Мүөттээх тылбын тиһэммин,
Ырыа, хоһоон анаатым
Хомустаах, Хомустаах барахсан.
Алексеева К.Д.-Соҕотох Кыым.
Хомустаах мин дойдум
Нуһараҥ да чуумпу киэһэлэр
Кытылга киирэммин турабын
Ый оргууй устара халлааммар
Мөһүүрэ долгунун ыһара
Хомустаах мин дойдум
Хомустаах мин тапталым уйата
Кэрэ да бу көстүү харахпар
Санатар мин ийэм мичээрин
Нарын кыыс оҕолуу симиктик
Ый устар уу чуумпу кытылбар
Хомустаах мин дойдум
Хомустаах мин тапталым уйата
Айылҕам иһийэн ылара
Сөрүүн тыал мэниктиир тулабар
Кырылас кумахтаах биэрэкпэр
Бэс чагда быыһынан хаамабын
Хомустаах мин дойдум
Хомустаах мин тапталым уйата
Ол онно эдэркээн пааралар
Тапталы уруйдаан ыллыыллар
Бу истиҥ иэйиигэ куустаран
Саныыбын тапталлаах сэгэрбин
Хомустаах мин дойдум
Хомустаах мин тапталым уйата
Мичийэ Ксенофонтова
2014с.
