Информация о материале

Автор: Super User

Ыам ыйын 25 күнүгэр регионнар икки ардыларынааҕы "Сила книги" акция Хомустаах орто оскуолатыгар 1-8 кылаастарга ыытылынна. Тимофей Сметанин "Күөрэгэй" остуоруйатын Хомустаах оскуолатыгар өр сылларга национальнай культура учууталынан, М.С Щепкин аатынан Үрдүк театр училищетын бүтэрбит,  П.А Ойуунускай аатынан Саха Государственнай театрыгар артыыһынан үлэлээбит, үлэ бэтэрээнэ, Василий Василий Бурнашев - Саха Ай ыалдьыттаата. Кыра сылдьан сөбүлээн аахпыт остуоруйатын ааҕан иһитиннэрдэ, оҕолор сүрдээҕин сэҥээрэн иһиттилэр, ыйытыктарга хоруйдаатылар. "Хомусчаан" оҕо уһуйааныгар, бас иитээччи Попова Августина Васильевна "Эриэппэ" остуоруйаны кукольнай театр нөҥүө көрдөрдө. Кырачаан оҕолор бары астыннылар, болҕойон олорон иһиттилэр.

Информация о материале

Автор: Super User

Ыам ыйын 18 -19 күннэригэр Саха Саарына, Саха сирин либеральнай - демократическай интеллигенциятын бас - көс киһитэ, бөдөҥ уопсастыбаннай - политическай деятель, сырдатааччы В.В Никифоров - Күлүмнүүр төрөөбүтэ 160 сылыгар аналлаах декада чэрчитинэн библиотечнай уруоктар Хомустаах оскуолатыгар, библиотекаҕа "Саха Саарына" интеллектуальнай оонньуу ыытылыннылар. Үөрэнээччилэр "В.В Никифоров - Күлүмнүүр" туһунан медиапрезентацияны көрдүлэр, бэсиэдэни иһиттилэр, быыстапканы билистилэр. 

Информация о материале

Автор: Super User

Ыам ыйын 8-9 күннэригэр, Хомустаах бөһүөлэгэр Аҕа дойду Улуу сэриитин 81 сыллаах Кыайыы күнэ киэҥ далааһыннаахтык уонна үөрүүлээхтик бэлиэтэннэ. Ыам ыйын 8 күнүгэр Сэрии толоонуттан эргиллибэтэх буойуттар сырдык кэриэстэригэр анаан "Өйдөбүнньүк чүмэчи" ууруу акцията ыытылынна  Ыам ыйын 9 күнүгэр бөһүөлэк олохтоохторо, тэрилтэ үлэһиттэрэ, уһуйаан иитиллээччилэрэ уонна оскуола оҕолоро буолан парадка сэлэлии хаамтылар. Кыайыы 81 сылыгар анаммыт митинҥэ, тэрилтэ салайааччылара, сэрии кыттыылаахтарын , сэрии бэтэрээннэрин,  тыылга үлэлээбиттэри ахтан, махтал тылларын эттилэр. Анал байыннай дьайыыга сылдьар уолаттарга алгыс тыллары, дьиэ кэргэттэригэр күүстээх санааны баҕардылар. Оскуола оҕолоро строевой хаамтылар, эҕэрдэ ырыалары, үҥкүүлэри бэлэхтээтилэр. Тэрилтэлэр икки ардыларынан ыытыллыбыт фотозоналар күрэхтэрэ ураты кэрэ көстүүнү биэрдэ. Сэрии кэминээҕи "Полевая кухня" үлэлээн, дьону сылаас аһынан күндүлээтэ. Түмүккэ, буойун суруйааччы И.Артамонов "Кыайыы салюта" хоһоонун күргүөмүнэн аахтыбыт.

Информация о материале

Автор: Super User

В рамках Всероссийской акции "Библионочь - 2026" под девизом "Единство народов - сила России" вместе с центром досуга"Түһүлгэ" провели мероприятие посвященное традициям нашей богатой культуры и обычаям.