Муус устар ый 19 күнүгэр Хомустаах бөҺүөлэгин олохтоох библиотекатыгар (сэб. Егорова М. Н.) Россия үрдүнэн ыытыллар «Библионочь - 2024» акция чэрчитинэн «Библиодень - 2024» тэрээҺин ыытылынна.

Быйылгы акция дьиэ кэргэнинэн ааҕыыны өйүүргэ анаммытынан олохтоох оскуолабытыгар үөрэнэр бииргэ төрөөбүт Алгыс, Айысхан Бочкаревтар; Валентин, Максим Новгородовтар; Арина, Рохан Поповтар; Айтал, Эрэл Федоровтар кыттыыны ыллылар. ТэрээҺин «БиҺиги дьиэ кэргэн сынньалаҥа» уруҺуйдарын билиҺиннэриилэринэн саҕаланна. Ол кэннэ тэттик кылгас сорудахтарга: хоҺоон ааҕыытыгар, тыл таҺаарыыга, ыйытыктарга кыттан бэйэлэрин тургутан көрдүлэр. Олус истиҥ, интэриэҺинэй тэрээҺин буолан ааста диэн кыттааччыларбыт уонна көрөөччүлэрбит сыаналаатылар. Сэмэй бэлэхтэри тутан, үөрэн-көтөн тарҕастылар.

ТэрээҺиммитин маҥнайгы кылаас үөрэнээччилэрэ Алиса Попова, Намыына Андреева, Ярик Рожин кылаас салайааччыта Ирина Афанасьевна Дегтярева үс остуоруйаны холбоон туруорбут дьүҺүйүүтүн толорон киэргэтэн, ситэрэн биэрдилэр. Кырачааннарбытыгар көрөөччүлэр ытыстарын тыаҺынан махталларын биллэрдилэр.

Түмүккэ бары хаартыскаҕа түҺэн тэрээҺиммитин үйэтиттибит.

Акция ыытылларыгар көмөлөспүт сынньалаҥ киин коллективыгар (сэб. Бечеканова А.С.), оскуола библиотекарыгар Бечеканова М.И., директор иитэр үлэҕэ сүбэҺитэ Петрова С.С. бэйэм махталбын биллэрэбин.