Муус устар ый 12 күнүгэр Хомустаахха бойобуой дьайыылар бэтэрээнэ, Уус Алдан улууҺун «Байыаннай дьайыылар бэтэрээннэрин» общественнай түмсүү бэрэссэдээтэлинэн үлэлээбит Российскай Федерация Президенин дьаҺалынан бэриллибит «Орден Мужества» кавалера, биир дойдулаахпыт Попов Гаврил Гаврильевич аатыгар II сылын биирдиилээн уонна хамаанданан буулдьанан ытыыга аҺаҕас күрэхтэҺии ыытылынна.

Уопсайа 57 биирдиилээн кыттааччы, 5 сүүмэрдэммит хамаанда, 13 байыаннай дьайыылар бэтэрээннэрэ кыттыыны ыллылар.

 Бу күн «Якутия с тобой» республиканскай СВО штабын хос бэрэссэдээтэлэ Ефимова Анна Николаевна уонна иистэнньэҥ Павлова Дария Федоровна бөҺүөлэк олохтоохторугар иистэнэр сыах тугу тигэрин, маскировочнай сетканы хайдах өрөрү көрдөрдүлэр. Иискэ мастер кылаас ыыттылар. Выкройкалары уонна бэлэм заготовкалары туҺанарбытыгар хааллардылар. Мантан антах мустаммыт СВО анаан иистэнэммит сэмэй кылааппытын киллэриэхпит диэн санаалаах ыалдьыттарбытын алгыс тыллаах атаардыбыт.