Хомустаах бөһүөлэгэр, Кыайыы 77 сылын көрсө, бөһүөлэк тэрилтэлэрин, түөлбэлэрин колонналарын кыттыылаах параад уонна торжественнай миитин ыытылынна. Торжественнай миитини бөһүөлэк баһылыга Попов В.И. эҕэрдэ тылынан аста. Ол кэннэ тэрилтэ салайааччылара эҕэрдэлэрин эттилэр уонна тыыл ветераныгар Гуляев Д.И., сэрии кэмин оҕолоругар Рожина Е.П., Григорьева Е.А., Гоголев П.Н., Попова К.И. уонна бойобуой дьайыы кыттыылааҕар Местников С.В. бэлэхтэри туттардылар. Эҕэрдэ нүөмэрдэри миитин кыттыылаахтара сэргии көрдүлэр. Тэрилтэлэр астаан аҕалбыт гречка хааһыларын «Полевой кухня» үлэлээн миитин кыттыылаахтара бары тигистилэр.

Бүгүҥҥү тэрээһини, күргүөмүнэн ааҕыы акциятыгар кыттан, биир дойдулаахпыт, поэт С.С. Васильев-Борогонскай «Киһи» хоһоонуттан быһа тардыы ааҕыытынан түмүктээтибит.