Улууспутугар Дьоруойдар күннэрин чэрчитинэн ааҕааччыларбытыгар «Кинилэр ааттарынан киэн туттабыт» кинигэ быыстапкатын бэлэмнээн билиһиннэрбиппит.

Хомустаах сүрүн оскуолатын III-IX кылааһын үөрэнээччилэригэр улууспут Дьоруойдарын күнүгэр аналлаах кылаас чааһын «Олохтоох бибилитиэкэ фондуттан тугу ааҕыахха?» докумуоннары билиһиннэрииттэн саҕалаабыппыт. Ол кэннэ үөрэнээччилэргэ улуустааҕы киин бибилитиэкэ бэлэмнээн оҥорбут «Уус Алдан улууһун Геройдара» медиапрезентациятын көрдөрөн, билиһиннэрэн кэпсээбиппит. Үөрэнээччилэр интэриэһиргээн, сэҥээрэн көрбүттэрэ.

        Түмүккэ ыйытык ыытыллыбытыгар кыайыылааҕынан VII кылаас үөрэнээччитэ Артур Алексеев ааттаммыта.

     Балаҕан ыйын 25 күнүгэр Альберт Бүлүүйүскэй «Социалистическай Үлэ Геройугар А.С. Копыринаҕа» анабыл хоһоонунан бөһүөлэк тэрилтэлэригэр күргүөмүнэн ааҕыы ыытыллыбыта. Ааҕыыга сүрүн оскуола (директор Копырин Н.В.), «Хомусчаан» оҕо уһуйаана (сэб. Охлопкова М.С.), П.Н. Гоголев аатынан сынньалаҥ киин (сэб. Бечеканова А.С.) коллективтара кытыннылар.

       Күргүөмүнэн ааҕыыга кыттыбыт ааҕааччыларбытыгар махталбытын биллэрэбит.