Хомустаах бөҺүөлэгин олохтоохторо Кыайыы скверыгар мустан Улуу Кыайыы 79-с сылын бэлиэтээтибит.

Торжественнай миитини ТОС «Хомустах» председателэ Попов Василий Иннокентьевич эҕэрдэ тылынан уонна иҺитиннэриитинэн саҕаламмыта. Салҕыы тыыл ветераныгар Гуляев Д.И., сэрии кэмин оҕолоругар Рожина Е.П., Гоголев П.Н., Григорьева Е.А., Попова К.И., байыаннай дьайыыга кыттыыны ылбыт Местников С.В. бырааҺынньыктааҕы продуктовай корзиналары тэрилтэ салайааччылара туттардылар. БырааҺынньыктааҕы эҕэрдэ нүөмэрдэр көрөөччүлэр ытыстарын тыаҺынан доҕуҺуолланна.

Саллаат хааҺытын сиэҺин кэннэ тэрилтэлэринэн сүүрүүгэ эстафета ыытылынна. Эстафетаҕа үс бастакы миэстэни ылбыт хамаандалар мэтээлинэн наҕараадаланнылар.

Күргүөмүнэн ааҕыыга биир дойдулаахпыт, народнай поэт Иван Мигалкин «Күүтүүлээх Кыайыыны уҺансан» хоҺоонун аахтыбыт.

Кыайыы күнүгэр аналлаах акцияларга кытынныбыт.