Олунньу ый 2 күнүгэр улуустааҕы «2023 сыл - түмүктэрэ» тэрээһиҥҥэ Лөгөй нэһилиэгин аатыттан кыттыыны ылан кэллибит.

Нэһилиэкпит быыстапкаҕа эппиэттээхтэрэ (Лөгөй орто оскуолатын директора Пухов М.П., директоры научно-методическай үлэҕэ солбуйааччы Протодьяконова С.И., нэһилиэк библиотекардара Борисова Т.И., Егорова М.Н.) Николай Николаевич Тарскай аатынан Спорт дыбарыаһыгар 2023 сыл түмүгүн кэпсиир, көрдөрөр быыстапкабытыгар Лөгөй орто, Хомустаах сүрүн оскуолаларын, «Чэчир», «Хомусчаан» уһуйааннар үлэлэрин көрдөрөр, үөрэхтээһин тэрилтэлэрин наставниктарын уонна нэһилиэкпит үлэһит дьиэ кэргэттэрин билиһиннэрэр, сырдатар киэҥ ис хоһоонноох быыстапканы улууспут олохтоохторугар, ыалдьыттарыгар бэлэмнээн туруорбуппутун сэргээн көрдүлэр.