Сэтинньи ый 30 күнүгэр сынньалаҥ киин коллективын кытта Хомус күнүн оскуола үөрэнээччилэригэр анаан ыыттыбыт.

Тэрээһин бастакы чааһыгар сынньалаҥ киин директора Бечеканова А.С. бэлэмнээбит медиапрезентациятын билиһиннэрдэ. Оҕолор сэргээн иһиттилэр. Ол кэннэ олохтоох библиотека сэбиэдиссэйэ Егорова М.Н. «Кыым» хаһыат (29.10.2020) «Дьүрүскэн» балаһатын уонна «Алыптаах Хомус» (автордар В. Шарина, Марфа Шарина-Сырдыына) кинигэ ырытыыларын оҥордум. Кинигэттэн: хомус тутулун, сөпкө тутуу, хомуска олоҕурбут ньымалары билистилэр.