Ийэ тыл уонна сахалыы сурук-бичик күнүн чэрчитинэн, олунньу ый 13 күнүгэр, Хомустаах бөһүөлэгэр Россия суруналыыстарын сойууһун чилиэнэ, суруналыыстар өрөспүүбүлүкэтээҕи бириэмийэлэрин «Кыһыл көмүс бөрүө» уонна «Илин эҥэр» экономическай зона олохтообут В.В. Никифоров-Күлүмнүүр аатынан бириэмийэлэр лауреата, биһиги Хомустаахпытын иккис дойду оҥостубут, кыраайы үөрэтээччи, хомоҕой тыллаах хоһоонньут И.И. Попов-Уйбаан Бахсылыырап төрөөбүтэ 75 сылын көрсө, «Хоһоонум хомоҕой тыла» хоһоон ааҕыытын күөн-күрэһэ ыытылынна.

Күрэскэ олохтоох уһуйаан уонна оскуола үөрэнээччилэрэ Уйбаан Бахсылыырап араас сылларга суруйбут хоһооннорун аахтылар.

Тэрийээччилэр:

- П.Н. Гоголев аатынан Хомустаах сынньалаҥ киинэ.

- Олохтоох бибилитиэкэ.

Хоһоон ааҕыытын күрэһигэр уопсайа 20 оҕо кыттан, тэрийээччилэр сүргэбит көтөҕүлүннэ.

    Дьүүллүүр сүбэҕэ үлэлээтилэр Бурнашев Василий Васильевич, Никифорова Ольга Алексеевна, Иванова Кристина Григорьевна. Түмүк, балаһыанньа быһыытынан үс бөлөххө араарыллан таҕыста.

     Бастакы бөлөххө, уһуйаан иитиллээччилэрин икки ардыларыгар: 1м. – Ярик Рожин, 2м. – Алеся Рожина, 3м. – Намыына Андреева.

    Иккис бөлөххө, оскуола алын кылааһын үөрэнээччилэрин икки ардыларыгар: 1м. – Ганя Фёдоров (2 кылаас), 2м. - Сандра Попова (1 кылаас), 3м. – Люда Бечеканова (2 кылаас).

     Үһүс бөлөххө, оскуола орто сүһүөх үөрэнээччилэрин икки ардыларыгар: 1м. – Валентин Новгородов (6 кылаас), 2м. – Илона Сивцева (8 кылаас).

Бөлөх аайы үс миэстэ иһигэр киирбиттэр тэрийээччилэр ааттарыттан бириистэри тутан, үөрэн-көтөн тарҕастылар.

     Көрөөччүлэрбит биир дойдулаахпыт, кыраайы үөрэтээччи Уйбаан Бахсылыырап хоһооннорун оҕолоро толорбуттарын долгуйан олорон иһиттилэр.