Саха Өрөспүүбүлүкэтин судаарыстыбаннай суверенитетын туһунан Декларация ылыллыбыт күнүн чэрчитинэн «Түһүлгэ» сынньалаҥ киинэ уонна олохтоох бибилэтиэкэ кыттыһан, оскуола спортивнай саалатыгар, нэһилиэнньэҕэ, оскуола оҕолоругар бэрт сэргэх тэрээһин ыытта. Ол курдук, сахалыы остуол оонньууларыгар маастар кылаастар ыытылыннылар. Хабылыкка — Попова Августина Васильевна, хаамыскаҕа — Попова Марфа Ивановна оонньоон, быраабылатын быһааран биэрдилэр. Ону таһынан В. Емельянов авторскай «Хомуур күрэх» оонньуутугар күрэхтэһии буолла. Остуол оонньуутугар, Саха судаарытыбаннайын күнүгэр аналлаах быыстапка тэрилиннэ.
