Хомустаах сүрүн оскуолатын үөрэнээччилэригэр алын кылаас учууталларын методическай холбоһугун уонна директоры иитэр үлэҕэ солбуйааччы Петрова С.С. кытта сүбэлэһии кэннэ биир дойдулаахпыт, биллэр поэт Г.Г. Вешников – Баал Хабырыыс төрөөбүтэ 105 сылынан «Дьон дьолун туойбут поэт» литературнай биэчэр ыытылынна.
Литературнай биэчэр олохтоох библиотека сэбиэдиссэйэ Егорова М.Н. поэт олоҕун, айар үлэтин билиһиннэриититтэн саҕаламмыта.
Салҕыы 8-с кылаас үөрэнээччитэ Илона Сивцева «Лирик-поэт Баал Хабырыыс доҕоро Улуу Харахтыырап» (салайааччы Ховрова А.Д.) презентационнай дакылаатын билиһиннэриитин оҕолор сэргээн иһиттилэр.
Ютуб-каналтан Кулантай аатынан уран тыл түмэлэ бэлэмнээбит «Хойутаан көстүбүт таптал» видеосюжеты улаханныын-кыралыын бары сэргээн көрдүбүт.
Литературнай биэчэр түмүк чааһыгар оскуола алын кылааһын үөрэнээччилэрэ Баал Хабырыыс хоһоонноруттан ааҕан иһитиннэрдилэр. Бу күн олохтоох оскуола үөрэнээччилэрэ Баал Хабырыыс хоһооннорун истэн, элбэх саҥаны билэн тарҕастылар.
