Ыам ыйын 7 күнүгэр олохтоох оскуола 5-8 кылааһын үөрэнээччилэригэр «Лөгөйдөр – Аҕа дойду сэриитигэр» диэн ааттаах кылаас чааһа ыытыллыбыта. Кылаас чааһын «Библиотека фондуттан тугу ааҕыахха?» библиографическай обзортан саҕалаабыппыт. Ол кэннэ «Ийэлэр өлбөт үйэлээх хорсун быһыылара» бырайыакка Лөгөй нэһилиэгин бибилэтиэкэрдэрэ ылсан үлэлэһэн туох информацияны, төһө хаартысканы булбуппутун билиһиннэрбиппин үөрэнээччилэр сэҥээрэ истибиттэрэ.

Түмүккэ үөрэнээччилэр тест-викторина толорбуттара. Викторинаҕа сөптөөх эппиэттэри биэрбиттэрэ: Валентин Новгородов (8 кылаас), Артур Алексеев (7 кылаас), Юлиана Лепчикова (5 кылаас).

Буойун хос эһэлэрин туһунан оҕолор болҕойон олорон истибиттэрэ. Дьиэлэригэр, дьонноругар кэпсиирдээх тарҕаспыттара.

«Хомусчаан» оҕо уһуйаанын иитиллээччилэригэр Улуу Кыайыы 80 сылын чэрчитинэн «Георгиевскай лиэнтэ» туһунан кэпсээтибит. Ол кэннэ кырачааннар Кыайыы күнүгэр сыһыаннаах открыткаларынан пазл хомуйдулар. Салҕыы «Катюша» ырыаны күргүөмүнэн толордубут.

Түмүккэ кырачааннары аралдьытан «Миэстэ былдьаһыыта» уонна «Молекула» оонньуулары астына оонньоотубут. Өссө да көрсүөх буолан тарҕастыбыт.