Хомустаах бөҺүөлэгин култууратын үлэҺиттэрэ Ийэ тыл уонна сахалыы сурук-бичик күнүгэр сонун тэрээҺини ыытан көрөөччүлэр сэҥээриилэрин ыллыбыт. РФ биллэриллибит дьиэ кэргэн, СР Оҕо аймах, улууспутугар Аҕа сылларын иитинэн ийэ эбэтэр аҕа оҕотунаан дорҕоонноохтук ааҕыы уонна ыччат саастаахтар хамаанданан күрэстэрин ыытааччылар да көрөөччүлэр да астына көрдүбүт.

   Дьиэ кэргэн толоруутугар дорҕоонноохтук ааҕыы күрэҺигэр Иосиф Бечеканов кыыҺынаан Людалыын, Надежда Бочкарева уолунаан Айысханныын, Сергей Рожин уолаттарынаан Родионнаах Айсардыын.

  Ыччаттар хамаанданан күрэстэригэр Кристина, Андрей Ивановтар кыайыылааҕынан таҕыстылар. Күөн-күрэскэ миэстэлэспиттэр диплом, бэлэх туттулар.

Ийэ тыл күнүн иитинэн ыытыллыбыт күргүөмүнэн ааҕыы улуустааҕы акциятыгар олохтоох сүрүн оскуола уонна «Хомусчаан» уҺуйаан коллективтара кытыннылар. Биир дойдулаахпыт Уйбаан Бахсылыырап «Иллээх дьиэҕитигэр» хоҺоонун аахтылар.

Ийэ тыл уонна сахалыы сурук-бичик күнүн көрсө сылын аайы ыытыллар Өрөспүүбүлүкэтээҕи дьыктааҥҥа Хомустаах сүрүн оскуолатын үөрэнээччилэрэ кыттыыны ыллылар. Дьыктааны суруттардылар Новгородова Я.Н., Попова М.И.

Бүгүн о.э. олунньу 15 күнүгэр IV кылаас үөрэнээччилэригэр (кылаас салайааччыта Новгородова Я.Н.) ТОК оонньуу ыытылынна.

Үс хамаандаҕа арахсан алта түҺүмэххэ күрэхтэстилэр. Кыайыылааҕынан Афоня Гоголев, Максим Новгородов ааттаннылар.

Оонньуу быыҺыгар маҥнайгы кылаас үөрэнээччилэрэ (кылаас салайааччыта Дегтярева И.А.) биир дойдулаахпыт Баал Хабырыыс «Моҕотой уонна кутуйах» хоҺоонунан инсценировка көрдөрбүттэрин оҕолор сэргээн олорон көрдүлэр.