Ийэ тыл уонна сахалыы сурук-бичик күнүгэр, о.э. олунньу ый 13 күнүгэр, улуустааҕы тэрээҺиҥҥэ кыттан кэллибит.

   Уйбаан Бахсылыырап кэриэҺигэр «Сахам сайдам саҥата» диэн ааттаах хоҺооннорун дорҕоонноохтук ааҕыы күөн күрэскэ Хомустаах сүрүн оскуолатын 7 кылааҺын үөрэнээччитэ Валентин Новгородов (салайааччы Бечеканова А.С.) Бахсылыырап «БыҺыы килиэп» хоҺоонун ааҕан, 8-11 кылаас үөрэнээччилэрин икки ардыларыгар муҥутуур кыайыылааҕынан тахсан үөрүү көтөллөөх кэллибит. Улахан дьоҥҥо Лена Избекова ситиҺиилээхтик кыттан 3 миэстэни ылары ситистэ.

   ТэрээҺин иккис чааҺыгар Уйбаан Бахсылыырап 75 сылыгар анаммыт «Ийэ тылым – омугум тыына» үөрүүлээх чааска РФ суруналыыстарын чилиэнэ, улуустааҕы «Кэскил түҺэ» түмсүү салайааччыта С.М. Бурцева – Суугунай Чараана туруорбут үс чаастаах инсценировкатын уонна Уйбаан Бахсылыырап хоҺооннорун бөлөҕүнэн аахпыттарын бары сэҥээрэн олорон иҺиттибит.

   Саха тылын өрүү өрө тута сылдьыбыт биҺиги Хомустаахпытын иккис дойду оҥостубут, кыраайы үөрэтээччи, үйэ чиэппэрэ үйэтитиигэ үлэлэспит, элбэх кинигэ ааптарын, Уйбаан Бахсылыырап аатын умнубаппыт. Кини айымньылара ааҕыллалларын тухары кини аата ааттана туруо.