Сааһырбыттар күннэрин көрсө бэлэмнээн туруорбут «Саһарбыт страницалар тугу кэпсииллэр?» быыстапкабытын ааҕааччыларбыт сонурҕаан көрдүлэр. Чугас дьоннорун туһунан урукку кэмҥэ бэчээттэммит ыстатыйалары ааҕан, дьиэлэригэр кэпсиирдээх тарҕастылар.

Маҥнайгы кылаас үөрэнээччилэрэ библиотекаҕа ыалдьыттаатылар. Кырачааннарга библиотекаҕа кэлэр сурунааллары билиһиннэрдибит. Кылаас салайааччыта – Карпова Лариса Ивановна.

Биир дойдулаахпыт, буойун-поэт Иннокентий Иванович Артамонов төрөөбүтэ 95-с сылын көрсө ыытыллар улуустааҕы уруһуй күрэһигэр кыттар оскуолабыт үөрэнээччилэригэр поэт олоҕун уонна хоһооннорун билиһиннэрдибит. Оҕолор поэт Иннокентий Артамонов хайа хоһоонугар уруһуйдуулларын былааннанан дьиэлээтилэр.