Хомустаах сүрүн оскуолатын үһүс кылааһын үөрэнээччилэригэр (кылаас салайааччыта – Новгородова Я.Н.) космонавтика күнүн чэрчитинэн бэлэмнээбит «Космос дьикти эйгэтэ» быыстапкабытын ырытан билиһиннэрбиппит. Ырытыы кэннэ бэриллибит ыйытыктарга Афоня Гоголев, Максим Новгородов, Серёжа Попов сөптөөх эппиэттэри биэрбиттэрэ.

      Түмүккэ «Гагарин мичээрэ» хоһоону дорҕоонноохтук ааҕан тарҕаспыппыт.

«Хомусчаан» оҕо уһуйаанын иитиллээччилэригэр космонавтика күнүгэр аналлаах аралдьыйыы ыытыллыбыта. Кырачааннар пазл хомуйууга уонна кумааҕы самолёту көтүтүүгэ астына оонньообуттара. Пазлы хомуйууга үчүгэй бириэмэни Ангела Новгородова көрдөрбүтэ.

Самолёту көтүтүүгэ Ярик Рожин, Харысхал Варламов, Эрчим Ксенофониов бастыҥнарынан ааттаммыттара.

Хомустаах сүрүн оскуолатын VII-IX кылааһын үөрэнээччилэригэр «Юрий Гагарин оҕо сааһа» бэсиэдэ ыытыллыбыта. Бэсиэдэни Валерий Воскобойников «Жизнь замечательных детей» кинигэтиттэн бэлэмнээбиппит. Оҕолор олус интэриэһиргээн истибиттэрэ. Бэсиэдэ кэннэ кинигэ быыстапкатын кытта билсибиттэрэ.